Хәзер «103» номерына шалтырату бердәм үзәктә кабул ителә, дип хәбәр бирә Татарстан Сәламәтлек саклау министрлыгы. Шулай итеп, «103» номерына шалтыратып, республиканың теләсә кайсы кешесе бердәм үзәккә эләгә. Анда аны тәҗрибәле диспетчерлар кабул итәчәк һәм тиз арада килеп җитә алырдай, якындагы бригаданы ярдәмгә җибәрәчәк.
Исегезгә төшерәбез: ашыгыч ярдәмне «03» номеры буенча чакырып булмый хәзер! Шәһәр телефоннарыннан да, кәрәзле телефоннан да «103» номерына шалтыратырга кирәк.
Элек «103» номеры буенча чакырулар төрле территорияләрнең медицина оешмалары аша кабул ителә иде. Узган елның мартыннан Казан территориясеннән барлык шалтыратулар яңа платформа аша кабул ителә башлады. Инде менә 2026 елның апреленнән бердәм үзәкләштерелгән диспетчерлык хезмәте бөтен республиканы колачлый. Үзәктә Татарстан буенча сәгатенә 300 чакыру кабул итәләр.
Үзәкләштерелгән идарәнең төп аермасы нидә хәзер? Бригадалар элеккеге кебек беркетелгән зонада эшләми, якындагы чакыруга җибәрелә. Авыру кешене хастаханәгә салганнан соң, подстанциягә кире кайтмыйча, башка зонадан киләсе чакыруга күчерелә ала.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
Җиңү көнендә Казанда җәмәгать транспорты көчәйтелгән режимда эшләячәк, ә берничә урамда бәйрәм чараларын әзерләү һәм узд ...
Агымдагы икътисадый вәзгыятьтә бюджет керемнәрен һәм чыгымнарның нәтиҗәлелеген арттыруга юнәлдерелгән даими эш таләп ите ...
Татарстан Рәисе Рөстәм Миңнеханов финанс, казначылык һәм салым органнарының республика киңәшмәсен уздырды. Катнашучылар ...
Лениногорск муниципаль районында борчак чәчү башланды, Кайбыч, Буа һәм Бөгелмә муниципаль районнарында арпа чәчүгә кереш ...
Бүген иртән Татарстанның Кайбыч районында Биризнәк авылыннан ерак түгел коточкыч юл-транспорт һәлакәте булган. ...