Алма бәясе 1%тан артыкка кимегән – 135,82 сум, кыяр – 204,22 сумга кадәр, аш чөгендере бәясе 38,36 сумга кадәр төшкән. Башка продукт категорияләреннән эремчек 2,34%ка арзанайган – 466,74 сумнан 456,06 сумга кадәр, маргарин 1,16%ка – килограммы 268,26 сумнан 265,23 сумга кадәр, пешкән колбаса 1,2%ка – 520,14 сумнан 514,35 сумга кадәр, сосиска һәм сарделька 1,99%ка – 467,72 сумнан 457,92 сумга кадәр арзанайган.

Шул ук чорда кайбер азык-төлек товарлары, киресенчә, кыйммәтләнгән. Мәсәлән, кишер 1,33 сумга кыйммәтләнгән – 47,33 сумга кадәр, помидор бәясе 1,79%ка – 273,59 сумга кадәр арткан. Шулай ук тары бәясе 1%тан артыкка үзгәргән – килограммы 44,46 сумга кадәр, тоз һәм кара байховый чәй – килограммы 17,3 һәм 1215,05 сумга кадәр, каймак – килограммы 309,55 сумга кадәр арткан.

Исегезгә төшерәбез, Татарстан халкы традицион авыл хуҗалыгы ярминкәләрендә продуктларны түбәнрәк бәягә сатып ала ала. Өч атна эшләү дәверендә сатып алучылар алардан 283 млн сумлык продукция сатып алган. Аларны үткәрү «Нәтиҗәле конкурентлыкка сәләтле икътисад» илкүләм проектының максатларына һәм бурычларына туры килә.