Бу хакта министрлыкның рәсми сайтында мәгълүмат бирелә.

Бер баш тана һәм бер мәртәбә бозаулаган бер баш тана сатып алуга – 80 мең сум, бер баш нәселле тана һәм бер мәртәбә бозаулаган бер баш нәселле тана сатып алуга – 90 мең сум, бер баш үгез сатып алуга 35 мең сумга кадәр субсидия каралган.

Документлар «Минем субсидияләр» («Мои субсидии») системасы аша электрон рәвештә кабул ителә.

Мәгълүматны ачыклау өчен элемтә телефоны: 8(843) 221-76-88 (8801) (Галимҗанова Рамилә Риф кызы).

Документлар исемлеген алу өчен әлеге сылтама буенча керергә кирәк, дип яза Татар-информ.

Сүз уңаеннан, бүгенге көндә Татарстанда “Технологик яктан азык-төлек куркынычсызлыгын тәэмин итү” илкүләм проекты гамәлгә ашырыла.