Журналист Айнұр Асанберді сотта дін істері комитетінен жеңіліп қалған, деп хабарлайды Sn.kz ақпарат порталы.
Осыған дейін ол Дарын Мубаровтан сұхбат алғаны үшін комитет сотқа берген еді.
«Мен соттан жеңілдім. Дін істері комитеті Дарын Мүбаровтан алған сұхбатым үшін мені сотқа берген еді. Сот «Айнұр Асанберді дін таратушы» деп айыптап маған айыппұл салды. Айыппұлдың құны — 130 000 теңгедей, ол көп ақша емес, мен оны төлей аламын. Бірақ төлемеймін деп шештім. Әзірге біз өзіміз дін істер комитетін сотқа бердік, арыз түсірдік. Қазір 3 қорғаушы мені қорғап жатыр. Журналист дін өкілінен ғана емес, кейде қылмыскерден де сұхбат алады. Бұл біздің мамандығымыз. Әрі қарай жеңіске жеткенше жеткенше әрекеттенеміз», — деді журналист.
Естеріңізге сала кетейік, уағызшы Дарын Мүбәровпен болған сұхбат 2026 жылдың 31 шілдесінде жарияланған еді. Бұған дейін журналист Аман Тасыған да әйгілі уағызшыдан сұхбат алған болатын.
Источник: Skif News · Сағыныш Назар