Катарда газ эшкәртү заводында шартлау вакытында 50 дән артык кеше зыян күргән.
Бу хакта ТАСС илнең эчке эшләр министрлыгына сылтама белән хәбәр итә.
Доха шәһәрендә яшәүчеләр якшәмбе кичендә берничә сәер тетрәү тойганнар, тәрәзәләр һәм ишекләр дерелдәгән.Соңрак җирле заводта эксплуатация хатасы аркасында шартлау булуы турындагы хәбәрләр тарала.
«Рас-Лаффан сәнәгать районындагы заводларның берсендә булган авария нәтиҗәсендә зыян күрүчеләрнең гомуми саны 54 кеше тәшкил итә, шул ук вакытта «Лехвия» эчке куркынычсызлык көчләренең эзләү-коткару төркеме гражданнар оборонасы белән берлектә хәбәрсез югалган 18 кешене эзләү буенча операция уздыра”, – диелә ведомство хәбәрендә.